Kymete Bajraktari

DREJTORIA PËR ADMINISTRATË TË PËRGJITHSHME

9.1      Në kuadër të drejtorisë për administratë të përgjithshme do të jenë këta 4, (katër) sektorë dhe 1, (një) njësi si vijon;

• Sektori i qëndresë për shërbime të qytetareve (QSHQ-ja)
• Sektori i gjendjes civile;
• Sektori i arkivit;
• Njësia për mbrojtjen nga diskriminimi;

• Drejtoria për Administratë të përgjithshme, do të jetë përgjegjëse për:

• pritjen e qytetarëve;
• pranon kërkesat dhe ankesat e kompletuara nga qytetaret dhe subjektet tjera;
• përcjellë kërkesat e kompletuara në drejtoritë përgjegjëse për shqyrtim dhe vendosje;
• këshillon dhe jep ndihmë juridike-administrative për mënyrën e plotësimit të kërkesave;
• pranon kërkesa tjera, drejtuar organeve komunale dhe kërkesat lidhur me qasje në dokumente zyrtare;
• bashkërisht me drejtoritë angazhohet që procedurat e komunikimit me qytetarë të jenë të standardizuara në formular të cilët garantojnë kontroll të plotë të zbatimit të ligjshmërisë;
• pranon, evidenton, protokollon si dhe shpërndan të gjitha kërkesat e qytetarëve si dhe shkresat tjera zyrtare nëpër adresat së cilave iu drejtohen;
• bënë pranimin dhe arkivimin e lëndëve të përfunduara nga ana e drejtorive përkatëse dhe të njëjtat i arkivon në depon arkivore të Komunës, ose drejtpërdrejti në arkivin ndër-komunal;
• lëshon kopje të lëndëve arkivore për qytetarë dhe subjektet tjera në harmoni me ligjet në fuqi;
• ushtron edhe detyrat tjera që lidhen me arkivimin dhe lëndën arkivore në pajtim me ligjin;
• kujdesi për shërbimet postare, shërbimet e sigurimit dhe mirëmbajtës së objekteve;
• mirëmbajtja e pajisjeve të teknologjisë informative brenda organeve të komunës dhe institucioneve e organizatave tjera në vartësi të saj;
• shërbimet e gjendjes civile që përfshijnë statusin civil të qytetarëve,
• regjistrimin e të lindurve, të kurorëzuarve dhe të vdekurve;
• lëshimin e certifikatave që dëshmojnë gjendjen civile të qytetarit, duke përfshirë edhe certifikatën e vendbanimit, certifikatën familjare si dhe ndërrimin dhe korrigjimin e emrit personal;
• të gjitha punët tjera nga kompetencat e deleguara nga pushteti qendror;
• ofron shërbimet që kanë të bëjnë me fushën e logjistikës dhe funksionimin e saj,
• menaxhon auto-parkun e automjeteve;
• kujdesi për mirëmbajtjen e automjeteve zyrtare etj
• ofron mbështetje në hartimin dhe zbatimin e politikave dhe planeve lokale për promovimin e të drejtave të njeriut dhe mbrojtjen nga diskriminimi në komunën përkatëse;
• në koordinim të ngushtë me strukturat tjera organizative që veprojnë në kuadër të Komunës, promovon mbrojtjen nga diskriminimi në të gjitha politikat/ dhe funksionet e Komunës;
• informon dhe udhëzon në formën verbale apo të shkruar për të drejtën e mbrojtjes nga diskriminimi dhe për mjetet ligjore të disponueshme për këtë mbrojtje për të gjithë punonjësit dhe personat që pretendojnë që janë të diskriminuar; dhe
• kryen edhe punë tjera që lidhen me transportin brenda organeve të komunës dhe në raport me institucionet dhe organizatat tjera në vartësi të saj.

9.3 Numri i të punësuarve në Drejtorinë për administratë të përgjithshme është tridhjetë e gjashtë (36).