Sot është mbajtur takimi i radhës i Koordinimit Lokal për Siguri, ku u diskutua për masat shtesë me qëllim garantimin e rendit dhe sigurisë publike gjatë sezonit veror dhe ardhjes së diasporës.
Nënkryetarja e Komunës, znj. Mihrije Suka, theksoi rëndësinë e bashkëpunimit ndërinstitucional dhe paraqiti aktivitetet e realizuara nga institucionet komunale në funksion të ofrimit të shërbimeve sa më efikase për qytetarët dhe mërgatën. Ajo gjithashtu njoftoi për organizimin e koncertit DiaFest, si pjesë e mirëpritjes së bashkatdhetarëve.
Nga Stacioni Policor raportoi z. Sami Veselaj për situatën aktuale të sigurisë në komunë, e cila vlerësohet të jetë e qetë dhe stabile. U bë e ditur se janë shtuar patrullat policore në terren dhe është vënë në zbatim Plani operativ për menaxhimin e sigurisë gjatë sezonit të diasporës, me qëllim krijimin e një ambienti sa më të sigurt për të gjithë qytetarët
